日本大板和歌山之旅
好耐 .好耐都沒有去旅行了！ 哈哈！ 今次去 日 .本 呀！ .嘩哈哈！ 至於旅行社選擇咗好耐，結果都係選擇咗東瀛遊，人地話去日本跟他們好D喎，咪試吓囉！ 行程由18/6/2007至22/6/2007 (我舊曆生日呀)。 呢個是一個大阪和歌山的五天旅行團 (JOTA05 參觀伊良湖、伊勢神社、那智瀑布、環球影城、Factory Outlet等)，其實一開始不是選擇呢個行程，原先是報名參加大阪京都觀光的旅行團，由於不能成團所以改為這個行程，這是一個充滿溫泉的旅行團，可惡！！行程首四晚入住不同地方的溫泉酒店，如果鍾意浸溫泉就真係唔錯，但要我剝光豬浸呢 .就 .唔係吟好啦！ 又唔比著泳衣！圍著條毛巾都唔得呀 人地怕醜 ma 嘻嘻！
出發啦！出發啦！晨吟早六點鐘就起身， 然後便登上 烈火快車(Taxi)，飛去機場！ 話吟快就到嘞 早上6:55集合呀 真係好鬼早！第一天行程基本上是玩坐飛機同坐車 哈哈！起飛啦！！我們乘坐國泰CX530，飛機由早上九時十分起飛，十二時半左右到達台北，在台北桃源機場停留了一小時後再飛往名古屋中部國際空港。
嘩 .終於到啦，終於到了日本啦！不過到達機場已大約是下午四時了，唉 是但啦，見嘢就影，什麼也影一餐！ 汽水機都影? 嘻嘻！緊接著便乘坐旅遊巴往當晚入住的酒店出發，沒錯，是往酒店出發，從名古屋中部空港到伊良湖，入住的伊良湖 View 酒店，需要大約三小時車程，這就是第一日的行程了 .哈哈！ 搵苯 ~ ~
到啦！到啦！嘩 七點半啦！在酒店安頓之後便享用到達日本後的第一餐，係 酒店的豐富自助餐，唔 都幾好味！可能肚餓掛，尤其是d壽司！ 重有d雪糕呀！伊良湖位於愛知縣的田原市，其實伊良湖並不是一個湖，它面對的是日本南方的太平洋，由於這是一個沿海地方，海鮮特別豐富，自助餐也是以海鮮為主。至於間酒店呢 真係好靚！ 不是間酒店本身，而係出面個View，真係好靚。
所以間酒店叫
伊良湖
View 酒店
都真係名附其實了。另外，當地還盛產蜜瓜
(メロン，Melon)
，哈哈
所以我都買咗個Hello
Kitty蜜瓜電話繩呢！
晚飯後在酒店周圍參觀了一陣，但由於我們沒有浸露天風呂，所以好早便回房休息了。
第二天一早便要起身啦，但我亞Sir竟然在早上4:30起身....唔係馬！他說要影日出喎 ~ ~唉 他重鬼打吟精神！！
梳洗完畢重未到食早餐的時候，便在酒店周圍欣賞風景。昨晚到達酒店已經天黑，周圍什麼都看不見！原來酒店就在戀之白濱旁的一個小山丘上，三面環海，風景非常優美。
食完早餐，便進入當天的第一個行程，離開酒店向伊勢灣汽車渡輪碼頭進發，連同旅遊車一同乘坐渡輪橫渡伊良湖水道前往對岸的三重縣鳥羽市。
哎呀 嘭一 聲！我部相機仔跌咗落地呀 好彩冇事啫！不過就花晒。泊岸後，旅遊車離開汽車渡輪後，便駛往位於伊勢市的伊勢神宮。
伊勢神宮已有二千年歷史，是日本全國神社的中心，日本人認為一生至少要到這裡參拜一次，當天剛好碰到幾個會社前往神社參拜。但原來神社正宮內是不淮影相呀！真可惜 ！ 參觀神社後便到神社的商店購買平安符，因為妹妹同天娜千叮萬囑叫我記得幫佢地拍個平安符返來喎！激死！
步出伊勢神宮，便前往伊勢古典街。去到這條街 嘩！立即被一列日本傳統式平房以及食物香味吸引著，在這條伊勢古典街上有各式各樣的日本小食，例如和菓子以及傳統工藝品，當中也有不少傳統料理，可惜時間不多，不能一一品嚐。
離開伊勢神宮和伊勢古典街，接著便乘旅遊車前往位於熊野市東面海岸的鬼城
(鬼ケ城)。
在途中，便簡簡單單食過一頓便當。
然後便繼續行程前往鬼城了！ 又到啦！這是一個長年被風浪侵蝕的懸崖，岩石被侵蝕成獨特的形狀，置身其中你會感受到巨浪拍打岸邊的震憾。
之後，便向下一個景點進發。沿著南紀州東面的海岸線往南下，穿過新宮市，到達了那智浦勝町，參觀位於那智山上的世界遺產之一 - 那智瀑布，這是一個從133米懸崖上落下的瀑布，瀑布旁是熊野那智大社的別宮。 嘩 個那智瀑布真係幾勁！水流好大，真係好震撼！你睇！！
參觀完那智瀑布，第二日的行程亦就此結束了，繼續沿著海岸線南下來到了串本町，當晚入住的是串本皇都酒店，這是我期待以久的酒店啊 嘻嘻！ 因為我book咗Hello Kitty房ma！哈哈！本身皇都是有名的溫泉式酒店集團，是一個整潔舒適的渡假酒店，平常入住這類酒店的主要是日本人。
嘩！到啦！我開門第一個反應就係 嘩 嘩 嘩！ 你地睇吓 好大隻Hello Kitty呀！哈哈哈！真係開心死啦 真係可以有Hello Kitty的，都有佢個貓樣呀。
好了！重有些陽光，落去酒店周圍行下，影下相先！ 等亞Sir發揮下啦！嘩哈哈 真係好靚呀！ 嘩！風車呀 唔係 嘻嘻！係風力發電至真。 行下行下，發現咗間Dog Dog 酒店及一個教堂呀，好靚呀！
當晚在酒店內品嚐到色香味俱全的懷石料理，吟傳統，梗係要著番件和服，扮吓日本妹啦，嘻嘻 似唔似呢? 定我亞Sir似d呢? 好！ 開始食啦 唔 欣賞吓先，又幾靚喎〜不過，當然係扮懷石料理啦！唉 團體餐係吟尚下啦！
嘻嘻！食完懷石料理後，當然又是返上房間的時候啦！哈哈哈 .我的Hello Kitty呀！我返來啦！我亞Sir真係比我激死 ！！ 因為我要他幫我張間房的每一個角落都影低去。結果，果晚係最夜訓的一晚 嘻嘻嘻！哈哈哈！真係好舒服呀！
一早起來，嘩！好鬼肚餓呀 要快d落去食早餐先。 不過，真係唔捨得呀 係唔捨得d Hello Kitty啊！ 唉！都係要面對現實了！ 跟著我們便去食早餐lu，睇吓咩嘢先！原來是荔枝喎。
食完早餐後，又到酒店四周參觀的時候了，由於酒店是位於小山丘之上，可以望到附近的景點，例如紀伊大島、橋杭岩等景點。
橋杭岩是第一個參觀的景點。串本是南紀最南端的陸地，長年受到三面的海浪衝擊，岸邊的岩石形狀獨特，橋杭岩就是一個受風浪衝擊形成的景點。 哈哈！好得意呀d石頭，我亞Sir就話好似一個個人吟，我就覺得似d動物吟。
離開橋杭岩，下一個目的地就是串本海中公園，與橋杭岩相隔只有五分鐘車程。串本海中公園其實只是一個水族館，當然與我們的海洋公園冇得比啦。這個水族館可以觀賞吓d魚呀、海龜呀吟囉！至於南紀海洋世界的海中展望塔，就可以行落去睇吓d魚囉！無無聊聊~~ 唯有去拎吓旦，嘻嘻 拎咗兩隻龜旦！
又走啦！ 向三段壁出發！於是繞過了南紀最南端的串本，開始沿著西面的海岸線進發，去到位於白濱的三段壁，三段壁是一個天然形成的海上洞窟，曾經成為古代熊野水軍隱藏船隻的地方。 嘩 嘩 好壯觀呀！ 真係好似旅遊書張相一樣吟呀！ 好！跟著我們便乘坐電梯往離地面十二層高度之三段壁觀賞一吓所謂大自然雄偉洞窟及太平洋大海洋之氣勢。 妖 又搵苯！ 搭果架爛鬼Lift要成₯1,200 落到去都唔知做咩！ 呼一聲 又返上去！ 外面d景色重靚啦！
繼續行程，話吟快又到逹下一個景點千疊敷嘞。千疊敷是指岩石的形狀就像是千張塌塌米疊在一起。 啊！影張相留念下啦！到此一遊ma，OK 一二三！笑
Woo 好肚餓呀！原來已接近兩點啦 (日本時間)，唔怪得個肚打晒鼓啦。 跟著我們便到當地的Tore Tore 魚市場享用午膳。這個魚市場的海鮮可謂價廉物美，刺身、壽司、等等都非常鮮美！ 重有超新鮮的海膽，一板都係₯1,280咋 (港幣80元左右)！當然一定要試吓超正的特級吞拿魚腩刺身啦，我就買咗一舊細細地，都只是₯3,490 (港幣220元左右) ，其餘的都是₯380至 ₯580 左右，但不可不提的就係三文魚刺身，簡直係平到笑，吟鬼大舊都係₯450咋，₯450?? 冇錯！嗱！呢舊就是特級吞拿魚腩刺身，感覺好似豬肉刺身，真係好新鮮，好好味呢！！ Woo woo 很鮮味呢 ~ ~
午膳後，本來會去參觀了備長炭紀念館，但由於是星期三休息，所以去咗圓月島。 好又影張相先，一二三！笑 嘻嘻！
跟著便去紀州梅干館，在梅乾館中，可以見到梅工場的製作工序，有一個小劇院播放 3D 動畫介紹梅乾 (可惜是日文的...)，院外有一個小攤檔，賣的梅汁很好喝，在梅乾館的商店可以品嚐到不同味道的梅乾、亦有大量梅加工品 (例如：梅茶、梅酒、用梅製的和菓子、糖果等等)。 不過我一樣都冇買到！
噢！第三天的行程就此結束，來到了白濱以北、離南紀梅乾館不遠的一個山丘上的紀州南部皇都酒店，由於到達時還有陽光，在酒店周圍參觀了一會。當然，又係我亞Sir出場的時候啦
當天晚膳是Shabu~Shabu，嘩！四個人一盤，只係有牛肉、豬肉、菜同烏冬。結果我就食咗一碗牛肉烏冬囉！重有天婦羅雪糕做甜品，外面熱裡面凍的炸雪糕，吃起上來很油，咿 成口都油晒！把鬼！
話吟快又到第四天啦！今日會去環球影城Universal Studio同心齊橋呢 嘻嘻！正呀~~ 從酒店出發，一直沿高速公路離開和歌山，進入大阪府向 Universal Studio Japan (USJ)進發，當天在 USJ 玩了大概五小時。 嘩！好靚呀！不過這裡不是好大，好快就行完一個圈lu。 係裡面我亞Sir 又可影呀影 真係影到夠晒皮！ 此外，梗係要買吓手信啦！又到離開的時候，大概是下午四時左右。
在遊樂場的一輪瘋狂玩樂過後，來到了心齋橋實行瘋狂的購物！ 哈哈！可以買呀！買呀！ 嘩 好平呀！ 嘩！大丸呀 入去睇吓先，唔係麻 JILLSTUART 嘅化妝品比香港平一半? 買買買 嘩！唔得了啦！嘻嘻 ~ ~ 話吟快兩個半小時又到，當然未行完啦！留番下次啦！
好！到晚膳嘞！我們在心齋橋的一間上樓日本燒烤料理享用，而我們之前亦訂咗神戶牛柳同黑毛和牛西冷今晚可以燒啦。不過都幾貴，兩塊嘢要₯12,000 (成港幣800元) 嘻嘻 試吓ma！ 登 登 woo~ 個樣好靚啊！好 可以燒啦！唔~唔~ 好好味啊！真係好冧！超正呀！！
晚飯過後便要乘旅遊車返酒店lu，當晚入住的酒店是環球影城日航酒店。 嘩！吟細間房嘅????
終於都到達最後一天的行程la！！唉 好大雨呀！嘩！真好彩 到最尾一日才落雨！如果琴日落就冇晒mood啦！食過早餐後，便前往田崎真珠睇珍珠 嘻嘻！亞Sir話我們好似去咗金至尊喎~~ 我其實都睇中一條珍珠頸錬，嘩！睇真d個價錢 成₯1,900,000！！嘻嘻！講吓笑啫
然後我們便去神戶川崎海陸空世界了。好可惜 實在太大雨！因為門口有隻大船好靚㗎 影唔到，亞Sir真係有d失望呢！ 不過好彩裡面都幾靚，都可以影吓相。
參觀完神戶川崎海陸空世界後，接著是最後的購物行程，來到了有好多名牌的Factory Outlet。 這裡全部都是名牌呀 好似有Adidas、Nike、Beams Boy、Bally、連Salvatore Ferragamo都有?? 總之咩都有啦
在 Food court食完飯後，便全力出擊！ Yeah！Yeah！嘩！出發 但第一個買嘢的竟然是亞Sir，他一口氣在Adidas買咗兩對鞋！！本來三對，但因為冇碼，所以才放棄咗 當然點少得我個份啦，我地間間都進攻，嘻嘻！買呀 又擠滿個旅行袋了！
時光飛逝！到下午三時四十五分啦，所有行程便完結了！最後乘旅遊車到關西空港乘坐國泰CX507飛機回香港。 起飛時間係下午六點十分 (日本時間)，所以check in 後，重有少少時間行埋Duty Free！嘻嘻！Woo 返香港 lu~~
